Беларускія ўікэнды

Праект «Беларускія ўікэнды» - гэта першая спроба зрабіць рэгулярны кінапракат фільмаў ў беларускай агучцы.

У бліжэйшы час адбудуцца 5 паказаў.

Першы беларускі ўікэнд адбудзецца 22-23 кастрычніка. У гэтыя дні (суботу і нядзелю), а 19:00 кінатэатр “Перамога” пакажа фільм «Цудоўна Ласка». Захапляльная гісторыя змагання супраць рабства у Вялікабрытаніі была знята рэжысёрам “Хронік Нарніі” Майклам Эптэдам, а ў адной з галоўных роляў зняўся знакаміты брытанскі акцёр Бенэдыкт Камбэрбэтч.

Беларускія галасы: Павал Харланчук, Сяргей Жбанкоў, Святлана Цімохіна, Уладзімер Глотаў. Мы зрабілі новую агучку гэтага цудоўнага фільма і чакаем вас ў «Перамозе».

Гэтым разам уваход вольны!